თეიმურაზ ჯანჯალია

დაბადების ადგილი: ქ. თბილისი.
დაამთავრა საქართველოს მეცნიერებათა აკადემიის ბიზნესისა და მარკეტინგის ინსტიტუტის საერთაშორისო ეკონომიკური ურთიერთობები 1995 წელს; ერლანგერ-ნიურნბერგის უნივერსიტეტი, მარკეტინგის განხრით 1997 წელს; 1999-2013წწ. გავლილი აქვს სხვადასხვა სასწავლო კურსი საქართველოში და საზღვარგარეთ − ეკონომიკის, საერთაშორისო ურთიერთობების, მარკეტინგის, საერთაშორისო ვაჭრობის, ევროკავშირში გაწევრიანების მიმართულებებით.

1998-1999წწ. იყო საქართველოს საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის სტაჟიორი; 2000-2002წწ. საქართველოს საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის ატაშე; 2002-2004წწ. საქართველოს საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის პირველი მდივანი; 2004-2007წწ. საქართველოს საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის, რეგიონალური ეკონომიკური თანამშრომლობის სამმართველოს უფროსი; 2007-2008წწ. საქართველოს საქმეთა დროებითი რწმუნებული ლატვიის რესპუბლიკაში; 2008-2011წწ. ლატვიის რესპუბლიკაში საქართველოს საელჩოს მრჩეველი; 2011-2012წწ. საქართველოს საგარეო საქმეთა სამინისტროს ევროინტეგრაციის დეპარტამენტის დირექტორის მოადგილე; 2012-2013წწ. საქართველოს საგარეო საქმეთა სამინისტროს საერთაშორისო ეკონომიკურ, კულტურულ და ჰუმანიტარულ ურთიერთობათა დეპარტამენტის დირექტორი; 2013-2018წწ. საქართველოს საგანგებო და სრულუფლებიანი ელჩი ლატვიის რესპუბლიკაში; 2018 წლიდან საქართველოს საგარეო საქმეთა სამინისტროს საერთაშორისო ეკონომიკური ურთიერთობების დეპარტამენტის დირექტორი. მინიჭებული აქვს საგანგებო და სრულუფლებიანი ელჩის დიპლომატიური რანგი. მიღებული აქვს ლატვიის რესპუბლიკის უმაღლესი ჯილდო − სამი ვარსკვლავის ორდენი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ. 192