გიორგი ცაავა

დაბადების ადგილი: ქ. თბილისი.

სწავლობდა ხელოვნების ინსტიტუტში.

ბავშვობიდანვე იტაცებდა მუსიკა, წერდა სიმღერებს; ერთ–ერთი გამორჩეულია "ჩემი ქვეყანა", რომლის დაწერის შემდეგ ის "არტ-გენში" მიიწვიეს; ექვსი წელი მუშაობდა მოზარდ მაყურებელთა თეატრში. ათი წელი სხვა პროფესიით იმუშავა; 2001 წელს მუშაობა დაიწყო "თბილგაზში", ზეინკლად; ბოლო სამი წელი უფროსის მოადგილე - მთავარი ინჟინერი იყო;  პარალელურად, მსახიობობასაც აგრძელებდა და ფილმებშიც იღებდა მონაწილეობას; მისთვის პირველი ფილმი იყო ერეკლე ბადურაშვილის 2003 წლის ფილმი - "კიდევ ერთი ქართული ისტორია", რომელშიც ფსიქიკურად დაავადებულ ადამიანს განასახიერებდა; ამავე დროს მსახიობი ფილმებსაც ახმოვანებდა; 2008 წელს ვალერიან კირკიტაძის – "მედალიონში" მთავარი როლი მიიღო; 2010 წელს ითამაშა მოკლემეტრაჟიან ფილმში – "სექტემბერი"; მუშაობს ტელეკომპანია GDS-ზე პროდიუსერად და პარალელურად მონაწილეობს სერიალებში; 2010 წელს ქართულ ტელესერიალ "K-17"-ში თამაშობდა, რომელიც საზოგადოებრივი მაუწყებლის დაკვეთით გადაიღეს, თამაშობდა რუს პერსონაჟს; შემდეგ იყო როლი ლევან დაბრუნდაშვილის და ჯაბა მელქაძის 2011 წლის ერთობლივ ფილმში – "ანოს და ვანოს თავგადასავალი"; არჩილ ქავთარაძის 2013 წლის ფილმი – "კომა"; მისი ცნობილი როლია – სერიალ "პანიკის გარეშე"-ს ტყუპის როლი; სერიალმა დიდი გამოხმაურება გამოიწვია და GDS–ის ერთ–ერთ ყველაზე წარმატებულ პროექტად ითვლება; შემდეგი როლი იყო ეპიზოდური, ალეკო ცაბაძის ცნობილ ფილმში "რენე მიდის ჰოლივუდში". ამის შემდეგ რენი ჰარლინის "აგვისტოს 5 დღე"; მსახიობი ტელესერიალ "ჩემი ცოლის დაქალებშიც" გამოჩნდა დათო დარჩიას როლში; 2013 წელს 21–ე საუკუნის ერთ–ერთ საუკეთესო ფილმად აღიარებულ ზაზა ურუშაძის "მანდარინებში" თამაშობს; შემდეგი ფილმი მიშელ ჰაზანავიჩუსის 2014 წლის ფილმი "ძებნა"; მსახიობის ყველაზე გამორჩეული როლია სერიალ "ტიფლისში" ქიარიმას პერსონაჟი; შემდეგი ფილმია "ნაღმი" - ქართული თრილერი, რომელიც უცხოეთშიც წარმატებით გაიყიდა; სერიალი "ქერჩი - დაკარგული გმირები", ოცმეთაურის და ოფიცრის – გრიგორი მალკოვიჩს თამაშობს. თეატრისა და კინოს მსახიობი, არაპროფესიონალი მუსიკოსი და ენერგეტიკოსი. მის კარიერაში ოცამდე ტელეროლია.