შოთა კინწურაშვილი

დაბადების ადგილი: ქ. გაგრა.

დაამთავრა თბილისის სასულიერო აკადემიის საღვთისმეტყველო ინსტიტუტი 2011 წელს; 2011–2012 წწ. გერმანიის აიხშტეტ-ინგოლშტადტის უნივერსიტეტის და აუგსბურგის ენის აკადემიაში ეუფლებოდა გერმანულ ენას.

2015 წლიდან სწავლა განაგრძო აიხშტეტ-ინგოლშტადტის უნივერსიტეტის (KU) თეოლოგიურ ფაკულტეტზე; 2018 წელს ამავე უნივერსიტეტში შუა საუკუნეების და უახლესი პერიოდის ეკლესიის ისტორიის მიმართულებით დაიცვა სამეცნიერო ნაშრომი თემაზე: "ეკუმენური ღიაობიდან ანტიეკუმენურ აჯანყებამდე / საქართველოს მართლმადიდებელი ავტოკეფალური ეკლესია და ეკუმენური დიალოგი მეოცე საუკუნეში"  და თეოლოგიის ლიცენციანტის აკადემიური ხარისხი (Lic. Theol) მიენიჭა; 2017 წელს ჩაირიცხა დორმტუნდის სოციალური ინსტიტუტის საზაფხულო აკადემიაში, მიმართულება: ევროპის საერთო სოციალური სული და ქრისტიანული ეკლესიის სოციალური სწავლება; 2019 წლიდან   მიუნხენის ლუდვიგ-მაქსიმილიანეს უნივერსიტეტის (LMU) თეოლოგიური ფაკულტეტის დოქტორანტია, ქრისტიანული სოციალური ეთიკის მიმართულებით მუშაობს სადისერტაციო ნაშრომზე: "ქრისტიანული სოციალური ეთიკის ამოცანა ტრანსფორმაციის პროცესში მყოფ ქვეყანაში (საქართველოს მაგალითზე), მართლმადიდებლური სოციალური გზავნილის ძიებაში". არის რამდენიმე სამეცნიერო თეოლოგიური სტატიის, მოხსენების და პუბლიკაციის ავტორი ქართულ და გერმანულ ენებზე; ასევე გერმანული, რუსული და ინგლისური ენიდან თარგმნის თეოლოგიური შინაარსის ტექსტებს, განსაკუთრებით ეკლესიის სოციალური ეთიკისა და სოციალური სწავლების კუთხით; მისი საკვლევი თემებია: უახლესი ქრისტიანული ეკლესიის ისტორია, ქრისტიანული  სოციალური ეთიკა, ეკლესიის სოციალური სწავლება, მემარცხენე ქრისტიანული მოძრაობები, გათავისუფლების თეოლოგია, ეკუმენური და ინტერრელიგიური დიალოგი. მისი სტატიები, ინტერვიუები და თარგმანები იბეჭდება ჟურნალებში: "საბა", "ლიბერალი", ინტერნეტ-ჟურნალ "პოლიტეაში", განთავსებულია ინტერნეტ-პორტალებსა და მთარგმნელის საკუთარ ბლოგზე: shotakintsurashvili.wordpress.com, palamacentre.com; orthodoxtheology.ge. თეოლოგი (მიმართულება: ეკლესიის ისტორია, ქრისტიანული სოციალური ეთიკა).

• შეხვედრა საიდუმლოსთან : მართლმადიდებლობა მესამე ათასწლეულში / მსოფლიო პატრიარქი ბართლომეოსი (მთარგმნელი). - თბილისი, 2019. - 352გვ.. - ISBN: 9789941480225
• იოზეფ რატცინგერის სტუდენტური კვირეული : "ერთნი ნათლობაში" (ავტორი). - თბილისი, 2019. - 14გვ.
• მართლმადიდებლური ფუნდამენტალიზმი სექტად გარდაიქმნება : ინტერვიუ / მიტროპოლიტი იოანე ზაზიულასი (მთარგმნელი). - თბილისი, 2017. - 15-17გვ.
• ქრისტიანობა, მარქსიზმი და კომუნიზმი : ჯერაც შეუცნობელი სოციალიზმი / ერნესტო კარდენალი (მთარგმნელი). - თბილისი, 2016. - 9გვ.