
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

პავლე აკობია

Other name:	თავისუფალი (Pseudonym)
Date of birth:	27 December, 1878
Date of death:	14 April, 1940 (at 61 years)
Category:	Writer, Poet, Publicist

Biography

დაბადების ადგილი: სოფელი კახათი, ზუგდიდის რაიონი.

დაამთავრა ზუგდიდის სამოქალაქო ექვსკლასიანი საწავლებელი 1896 წელს.

1899 წელს, სამხედრო სამსახურის უარყოფის გამო, წელიწადნახევარი რუსეთში, დისციპლინარულ ბატალიონში იმყოფებოდა. 1904-1905 წწ. თბილისში მონაწილეობდა არალეგალურ კრებებსა და პარტიულ კამათებში, ხშირად გამოდიოდა სიტყვით. 1904 წელს, კ. თათარიშვილის (უიარაღო) სახლში მოწვეულ კრებას გააცნო თავისი ნაშრომი: "მიმართვა კაცობრიობისადმი", შემდეგ ამ მიმართვას სახელი შეუცვალა და უწოდა "წინასწარმეტყველური პროგნოზი თანამედროვე გარდამავალი ეპოქისა". 1903 წლიდან ხელნაწერის სახით ვრცელდებოდა მისი მეგრული ლექსები: "ჩელა", "სესია", "დიხა", "გაჭირვება და თავისუფლება" (1904 წელს გამოიცა ბეჭდური სახით). 1905 წელს ზუგდიდის სამოქალაქო სასწავლებლის მოსწავლეები ააჯანყა და რევოლუციურ მოძრაობაში ჩააბა, რისთვისაც დააპატიმრეს. სპირიდონ კედიასთან, ლეო შენგელაია-ქიაჩელთან და იასონ ჩიჩუასთან ერთად ზუგდიდის მაზრაში დააარსა "სამეგრელოს რევოლუციური კომიტეტი". 1905 წლიდან თანამშრომლობდა სოციალ-ფედერალისტთა გაზეთთან. 1905-1909 წწ. წერდა პოლიტიკური შინაარსის წერილებს. ეროვნული საკითხის შესახებ დიდი ბრძოლა გადაიტანა სოციალ-დემოკრატებთან (მენშევიკებთან). 1898-1909 წწ. "ზუგდიდის რესპუბლიკის საქმის" განხილვის დროს პავლე აკობია რუსეთისა და საქართველოს სხვადასხვა ციხეში იჯდა (შერაცხული იყო სულით ავადმყოფად, 13 თვე ფსიქიატრიულ საავადმყოფოში გაატარა). 1910 წელს სამუდამო გადასახლება მიუსაჯეს. 1917 წელს, რევოლუციის შემდეგ განთავისუფლდა. მას ეკუთვნის სიმღერა "ბუბა ქაქუჩელას" სიტყვები. რევოლუციონერი, პროპაგანდისტ-აგიტატორი.

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.96

Member of Organizations

ქართველთა შორის წერა-კითხვის გამავრცელებელი საზოგადოება , ნამდვილი წევრი (1908-)

Bibliography

არ შეიძლება [უსამართლობასთან შეგუება] (Author). - ტფილისი, მ.დ. კიკნაძის სტ., 1908. - 16გვ.
სოციალ-დემოკრატიამ მოატყუა გლეხები (Author). - თბილისი, სტ. "იდეალი", 1907. - 16გვ.
უდროოდ დაკარგული შესანიშნავი ნიჭის პატრონი ალექსანდრე მესხია როგორც მსხვერპლი საერთოდ მთელი ქვეყნის უკუღმართობისა და განსაკუთრებით კი ქართველთა შეუგნებლობისა. თავგადასავალი, წერილები, აფორიზმები ალექსანდრე მესხიასი და საუბარი თვითშემეცნებაზე პავლე აკობიასი (Author). - თბილისი, კ. მესხის გამოცემა (გრ. დიასამიძის სტ.), 1905. - 120გვ.
იმედი : ლექსები პ. აკობიასი (Author). - თბილისი, ტ. მ. როტინიანცის სტ., 1904