ზაურ გოგნაძე

დაბადების ადგილი: მაიაკოვსკის რაიონი (დღევანდელი ბაღდათის მუნიციპალიტეტი). 

დაამთავრა საქართველოს პოლიტექნიკური ინსტიტუტის ქიმიურ-ტექნოლოგიური ფაკულტეტი ძირითადი ორგანული სინთეზისა და სინთეზური კაუჩუკის ტექნოლოგიის სპეციალობით 1967 წელს.

1958-1960 წლებში მუშაობდა მაიაკოვსკის ღვინის ქარხნის მუშად, 1961 წელს - ქ. მოსკოვის სამშენებლო კანტორის ობიექტის მუშად. 1967-1970 წლებში იგი იყო რუსთავის ქიმიური კომბინატის ციკლოჰექსანონის საამქროს ინჟინერ-ტექნოლოგი, ამავე საამქროს ცვლის უფროსი, საამქროს უფროსის მოადგილე კონვერსიაში, 1971-1974 წლებში - სუფთა ციანმარილების საამქროს ტექნოლოგი, 1975-1979 წლებში - ციკლოჰექსანონის საამქროს უფროსის მოადგილე, 1980-1982 წლებში - ციანმარილების საამქროს უფროსი, 1983-1984 წლებში - ამავე საამქროს უფროსის მოადგილე, 1985-1986 წლებში - საწარმოო განყოფილების წამყვანი ტექნოლოგი, 1986-1988 წლებში - კაპროლაქტამის წარმოების უფროსის მოადგილე, 1989-1993 წლებში - ამავე წარმოების უფროსი, 1994 წელს - საწარმოო განყოფილების უფროსის მოადგილე, 1995-1998 წლებში - ტექნიკური დირექტორის მოადგილე, საწარმოო-ტექნიკური განყოფილების უფროსი, 1999-2000 წლებში - ამავე განყოფილების უფროსის მოადგილე, 2000-2001 წლებში - საწარმოო-ტექნიკური გადაიარაღებისა და ახალი ტექნოლოგიების ათვისების განყოფილების უფროსის მოადგილე, 2001- 2003 წლებში -  საწარმოო-ტექნიკური განყოფილების უფროსი, 2003-2005 წლებში - საწარმოო განყოფილების უფროსი, 2005 წლიდან "ენერჯი ინვესტის" საწარმოო განყოფილების უფროსი. 2004 წელს მიენიჭა ქიმიის დარგში წლის საუკეთესო იჟინრის საპატიო წოდება.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.25; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.259

• 1998 - ღირსების მედალი
  ქ. რუსთავის აღმშენებლობაში, მოსახლეობის სოციალ-ეკონომიკური პირობების გაუმჯობესებაში შეტანილი პირადი წვლილისა და ნაყოფიერი მოღვაწეობისათვის
• საქართველოს სახელმწიფო პრემია, მეცნიერებისა და ტექნიკის დარგში