მურთაზ ყანჩელი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-საინჟინრო ფაკულტეტი სამთო საწარმოთა მშენებლობის სპეციალობით 1961 წელს.

1961-1973წწ. მუშაობდა საქართველოს მშენებლობის სამინისტროს N2 სამშენებლო ტრესტში ოსტატად, მცხეთის N5 სამმართველოს მთავარ ინჟინრად, სამმართველოს უფროსად; 1973-1983წწ. საქართველოს მშენებლობის სამინისტროს N7 სამშენებლო ტრესტ "საქშახტმშენის" მარნეულის სამმართველოს უფროსად; 1983-1993წწ. იყო საქართველოს სასოფლო მშენებლობის სამინისტროს გორის N3 სამშენებლო ტრესტის მმართველის მოადგილე, მოძრავ-მექანიზებული კოლონის უფროსი; 1993-1999წწ. სამშენებლო კომპანია "მშენებლის" გენერალური დირექტორი; 1999 წლიდან მუშაობს შპს სამშენებლო-სამრეწველო კორპორაცია "ერთობის" სისტემაში შპს "იბერიას" დირექტორად; ხელმძღვანელობდა ინერტული მასალების ქარხნების (იმირში, თამარისსა და ყიზილ-აჯლოში), მადნეულის სამთო-გამამდიდრებელი კომბინატის კომპლექსის (დაბა კაზრეთში), სპეციალური საიდუმლო ქარხანა "საფოსტო ყუთის", საკავშირო დაქვემდებარების სამანქანო-საგამოცდო კომპლექსების, ტელევიზორების ქარხნის მშენებლობას; მუშაობდა ქ. მოსკოვში ყაზანის, რიგის, იაროსლავლის რკინიგზის სადგურების რესტავრაციაზე, საქართველოს სსრ მთავრობის წარმომადგენლობის მშენებლობაზე და სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.593

• ხალხთა მეგობრობის ორდენი
• შრომის წითელი დროშის ორდენი