ზაურ ტყეშელაშვილი

დაბადების ადგილი: ქ. ქუთაისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ინჟინერ-ჰიდროლოგის სპეციალობით 1968 წელს; საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1977 წელს.

1968-1971წწ. მუშაობდა საქართველოს ჰიდროენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში მეცნიერ-მუშაკად; 1971-2001წწ. მუშაობდა საქართველოს შინაგან საქმეთა სამინისტროში უფროს სამუშაოთა მწარმოებლად, უბნის უფროსად, მთავარ ინჟინრად; წლების დანმავლობაში ხელმძრვანელობდა იმავე სამინისტროს სამშენებლო სამმართველოს; 2002 წელს დააფუძნა სამშენებლო კომპანია - შპს "პროექტი-21"; მისი ხელმძღვანელობითა და ტანაავტორობით შემუშავებული პროექტებით აშენდა: 7 მრავალსართულიანი საცხოვრებელი და სასტუმრო კორპუსი, 5 მოქალაქეთა საზოგადოებრივი მისაღები, 3 საავადმყოფო, 4 სპორტულ-გამაჯანსაღებელი კომპლექსი, შინაგან საქმეთა, იუსტიციისა და თავდაცვის სამინისტროების მრავალი საწარმოო კომპლექსი; ასევე, საერთაშორისო სტანდარტების გათვალისწინებით აშენდა ტუბერკულოზით დაავადებულთა სამკურნალო დაწესებულების მრავალსართულიანი კომპლექსი ქსანში; დასასვენებელი სახლები და სანატორიუმები გაგრაში, ბიჭვინთაში, სოხუმში, წყალტუბოსა და ბათუმში; უახლესი ტექნოლოგიებით აღჭურვილი სასოფლო-სამეურნეო დანიშნულების საშრობ-სასილოსე რეგიონალური ცენტრები ლაგოდეხსა და აბაშაში; ასევე თავდაცვის სამინისტროს სხვადასხვა სტრატეგიული ობიექტები თბილისში, გორში, ქუთაისსა და სენაკში; მისი თანაავტორობით გამოცემულია მრავალი წიგნი და ბროშურა მშენებლობისა და არქიტექტურის საკითხებზე; მისი ბიოგრაფია შეტანილია წიგნში "საქართველოს გამოჩენილი და საქმიანი ადდამიანები"; ახალგაზრდობის წლებში იყო საქართველოს ნაკრების წევრი და საბჭოთა კავშირის პრიზიორი კალათბურთში ახალგაზრდებს შორის.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.534

• საქართველოს ჩოხოსანთა საზოგადოება, სადროშოს ხელმძღვანელი
• საქართველოს ჩოხოსანთა საზოგადოება, წევრი

• საქართველოს დამსახურებული ინჟინერი