ავთანდილ ძნელაძე

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1956 წელს.

1954–1958წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის სოლისტი; 1959–1962წწ. უკრაინის ქ. ლვოვის ი. ფრანკოს სახელობის ოპერისა და ბალეტის თეატრის წამყვანი სოლისტი; 1963 წლიდან საქართველოს სახელმწიფო ფილარმონიის ქართული ცეკვის ანსამბლის სოლისტი; 1964 წლიდან საესტრადო ანსამბლების "რერო", "დიელო", "ორერა", საცეკვაო ანსამბლის სოლისტი; 1965 წელს მოღვაწეობდა ვიეტნამში; 1968 წელს ჩამოაყალიბა ვოკალურ–ინსტრუმენტული ანსამბლი "ინგური" (ძმასთან, კონსტანტინესთან ერთად); 1971 წელს ლენინგრადის კულტურის ინსტიტუტში დადგა ქორეოგრაფიული სიუიტა, საცეკვაო ნომრები სტუდენტებისათვის; 1972 წელს ლენინგრადის მარიას ოპერისა და ბალეტის თეატრში დადგა ზ. ფალიაშვილის ოპერა "აბესალომ და ეთერი"–ს ცეკვები; 1976–1979წწ. იყო ქ. დაკარში (სენეგალი) მის მიერ დაარსებული კლასიკური ქორეოგრაფიული ანსამბლის ხელმძღვანელი და პედაგოგი; 1980–1992წწ. თბილისის საესტრადო ხელოვნების სასწავლებლის კლასიკური და თანამედროვე ცეკვის პედაგოგი; 1992 წლიდან თბილისის ა. ვირსალაძის სახელობის ხელოვნების გიმნაზიის ბალეტმაისტერი; გასტროლები: ავსტრია (სბალეტო დასთან ერთად), ინდონეზია (ხახლური ცეკვის ანსამბლთან ერთად), კუბა, კენია, რუანდა, უგანდა, ტანზანია, მადაგასკარი, ინდოეთი, პოლონეთი, გერმანია, მექსიკა, პერუ, ვენესუელა, ჩილე (ქართული ცეკვები); ბალეტის მოცეკვავე. მირებული აქვს მოსკოვის საკავშირო კონკურსიის I ხარისხის დიპლომი (1956) მფლობელი, მოსკოვის VI საერთაშორისო ფესტივალის ლაურეატის წოდება (1957), ვიეტნამის გმირის ორდენი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 554; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.240

• 1999 - ღირსების ორდენი
  ქართული ქორეოგრაფიული ხელოვნების განვითარებაში, საზღვარგარეთ მის პოპულარულიზაციაში შეტანილი პირადი დიდი წვლილისათვის, ნაყოფიერი შემოქმედებითი და პედაგოგიური მოღვაწეობისათვის
• 1958 - მედალი "შრომითი წარჩინებისთვის"