ანტონ ჩიხლაძე

 დაბადების ადგილი: ქ. თბილისი.

1934–1937წწ. სწავლობდა ა. ალექსიძის (სონღულაშვილი) ქორეოგრაფიულ სტუდიაში. 

1933–1937წწ. იყო თბილისის ოპერისა და ბალეტის თეატრის საბალეტო დასის სოლისტი; 1935 წლიდან ქართველ მოცეკვავეთა ჯგუფთან ერთად(ხელმძღვანელი დ. ჯავრიშვილი, მოცეკვავეები: ი. სუხიშვილი, ნ. რამიშვილი, ს. ნონიაშვილი, მ. ჩოჩიშვილი) მონაწილეობდა ლონდონში I მსოფლიო ფესტივალში; 1937 წელს მოსკოვში ქართული ხელოვნებისა და ლიტერატურის დეკადის მონაწილე; ამავე წელს რუსმა ბალეტმაისტერმა ი. მოისეევმა მიიწვია სსრკ ხალხთა ცეკვების სახელმწიფო ანსამბლში მოცეკვავე–სოლისტად და ქართული ცეკვების დამდგმელად; 1942–1952წწ. იყო თბილისის პიონერთა და მოსწავლეთა სასახლეში ქორეოგრაფ–პედაგოგი, პარალელურად, 1940 წლიდან თანამშრომლობდა თბილისის ოპერისა და ბალეტის თეატრთან; დადგა რამდენიმე ცეკვა ა. ბალანჩივაძის ბალეტისთვის "მთების გული"; 1940, 1945 და 1946წწ. მიწვეული იყო მოსკოვში ჩატარებულ აღლუმებში ქართული ცეკვების დასადგმელად; 1952–1974წწ. თბილისის ს. ზაქარიაძის სახელობის კულტსაგანმანათლებლო სასწავლებლის პედაგოგი; აღზარდა მრავალი მოცეკვავე საქართველოს რეგიონებში(საგარეჯო, თიანეთი, ლაგოდეხი, ხაშური), მოამზადა მრავალი ქორეოგრაფიული კოლექტივი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 536; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.185

• საქართველოს ხელოვნების დამსახურებული მოღვაწე