ბონდო შოშიტაიშვილი

დაბადების ადგილი: ქ. თბილისი.

დაამთავრა თბილისის მოსე თოიძის სახელობის სამხატვრო სასწავლებელი მხატვარ-დეკორატორის სპეციალობით 1959 წელს; 1961 წელს მოსკოვში დაამთავრა "სოიუზმულტფილმთან" არსეუბლი მხატვარ - ანიმატორთა სკოლა-სტუდია; 1973-1978წწ. სწავლობდა თბილისის სახელმწიფო უნივერსიტეტში ხელოვნებისა და ჰუმანიტარულ პროფესიათა ფაკულტეტის კინომცოდნეობის განყოფილებაზე.

1961-1976წწ. მუშაობდა კინოსტუდია "ქართულ ფილმის" მულტგაერთიანებაში მხატვრად, მხატვარ-ანიმატორად და რეჟისორად; 1976 წლიდან ანიმაციური ფილმების სტუდია "ორბის" რეჟისორი; 1996 წლიდან ამავე სტუდიის დირექტორი. დამდგმელი რეჟისორია ფილმების: "ქვასანაყი" (ანიმაციური, 1976), "კაცუნები" (ანიმაციური, 1978), "ფაკირი"(ანიმაციური, 1979), "პროფილი და ანფასი" (ანიმაციური, 1988), "ალიყური" (ანიმაციური, 1989), "განხეთქილების ვაშლი" (ანიმაციური, 2003) და სხვ.; სცენარის ავტორია ფილმების: "კაცუნები" (ანიმაციური, 1978), "ფაკირი"(ანიმაციური, 1979), "პროფილი და ანფასი" (ანიმაციური, 1988), "ალიყური"(ანიმაციური, 1 989), "განხეთქილების ვაშლი" (ანიმაციური, 2003) და სხვ.; ანიმატორია ფილმების: "გმირი" (ანიმაციური, 1963), "ბომბორა" (ანიმაციური, 1968), "ქვასანაყი" (ანიმაციური, 1976) და სხვ. ფილმისთვის "ალიყური" მიღებული აქვს რუსეთის კინემატოგრაფისტთა უმაღლესი პრემია "ნიკე" (1990). 2016 წელს საქართველოს პირველი არხის გადაცემა "ეპოქის ფრაგმენტებმა" ბონდო შოშიტაიშვილზე ფილმი გადაიღო.

წყარო: ეროვნული ფილმოგრაფიის პორტალი: geocinema.ge; საინფორმაციო - პოლიტიკური, საზოგადოებრივ - შემეცნებითი პორტალი - ქართული აზრი: qartuliazri.reportiori.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.265

• რუსეთის კინოაკადემია, საპატიო წევრი (2002-)
• საქართველოს კინემატოგრაფისტთა შემოქმედებითი კავშირი, წევრი (1974-)

• 1999 - ღირსების ორდენი
  ქართული მულტიპლიკაციური ხელოვნების განვითარებაში შეტანილი პირადი დიდი წვლილის, ნაყოფიერი შემოქმედებითი და პედაგოგიური მოღვაწეობისათვის