
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

მარიამ უგრელიძე

Date of birth:	26 January, 1885
Date of death:	20 May, 1960 (at 75 years)
Burial location:	დიდუბის პანთეონი, თბილისი
Category:	Medical Doctor

Biography

დაბადების ადგილი: სოფელი დიღომი.

საწვლობდა პეტერბურგის ქალთა უმაღლეს სამედიცინო კურსებზე 1904 წლიდან; დაამთავრა მონპელიეს უნივერსიტეტის სამედიცინო ფაკულტეტი 1909 წელს; ლოზანას(შვეიცარია) უნივერსიტეტი 1914 წელს.

1905 წლის იანვრის რევოლუციის დროს იგი ქუჩებში დახმარებას უწევდა დაჭრილ მუშებს; რევოლუციური აღტკინება სტუდენტთა გარკვეულ ნაწილსაც გადაედო; იგი დაუკავშირდა სოციალ-დემოკრატთა ორგანიზაციას; მეფის აგენტებს ეს შეუმჩნეველი არ დარჩენიათ და 1906 წელს დააპატიმრეს; მას ბრალად ედებოდა სამხედრო ნაწილებში რევოლუციური პროკლამაციების გავრცელება; 2 წელიწადს ამყოფეს ციხეში, შემდეგ ემიგრაციაში; 1918 წელს დაბრუნდა სამშობლოში; მუშაობა დაიწყო სამხედრო ჰოსპიტალში, ხოლო ერთი წლის შემდეგ ქალაქის პირველ საავადმყოფოს ბავშვთა განყოფილებაში; 1921 წლის მარტში თბილისის სახელმწიფო უნივერსიტეტში პედიატრიის კათედრა დაარსდა, რომლის ფუძემდებელი პროფესორი სიმონ გოგიტიძე გახლდათ, ძირითად საქმიანობას კი კათედრაზე მარიამ უგრელიძე ასრულებდა; 1930 წელსი მას მეცნიერებათა დოქტორის ხარისხი მიენიჭა და სამკურნალო ფაკულტეტის ბავშვთა სნეულებათა კათედრის გამგედ დაინიშნა; მომდევნო ოცდაათი წლის განმავლობაში ინტენსიურ საექიმო, პედაგოგიურ, სამეცნიერო და საზოგადოებრივ მუშაობას ეწეოდა ბავშვთა ჯანდაცვის კუთხით; მას სამოცდაათზე მეტი მეცნიერული ნაშრომი აქვს შესრულებული; მათი უმრავლესობა თარგმნილია სხვადასხვა ენაზე და წაკითხულია საერთაშორისო კონსილიუმებსა და კონფერენციებზე; მისი ნაშრომები ეხება ბავშვთა ასაკის როგორც ფიზიოლოგიის, ისე პათოლოგიის, თერაპიისა და ჰიგიენის მნიშვნელოვან პრობლემებს; იგი ბევრს მუშაობდა მედიცინის ისტორიის საკითხებზეც საქართველოში; ფასდაუდებელია მისი ნაშრომები ბავშვის ფიზიკური განვითარების, ბავშვის კვების, რაქიტის, დისტროფიის, რევმატიზმის, ტუბერკულოზისა და აეროთერაპიის შესახებ; პედიატრი, პირველი ქართველი პროფესორი ქალი.

წყარო: მამულიშვილთა სავანე. - თბ., 1994. - გვ.330; სამედიცინო პორტალი "ავერსი": aversi.ge

Member of Organizations

პედიატრთა საკავშირო საზოგადოება, საპატიო წევრი
ჟურნალ "პედიატრის" რედკოლეგია, წევრი
სამედიცინო ენციკლოპედიის რედაქცია, წევრი
საქართველოს პედიატრთა საზოგადოება, დამაარსებელი, თავმჯდომარე (1929-)

Bibliography

ჩვილ ბავშვთა ფაღარათობის წამლობა (Author). - თბილისი, საქბიომედგამი და სტ., 1938. - 19გვ.
ახალშობილთა პერიფერიული ლიმფატიური ჯირყვლების მდგომარეობის შესახებ (Author). - ტფილისი, 1927. - 442გვ.