გაიოზ კანდელაკი

დაბადების ადგილი: ქ. თბილისი.

დაამთავრა თბილისის პოლიტექნიკური ინსტიტუტი 1967 წელს(ავტოინჟინერი), მოსკოვის ხელოვნების მუშაკთა კვალიფიკაციის ამაღლების ინსტიტუტი 1976 წელს.

1968-1971წწ. დააარსა საქართველოს ახალგაზრდული შემოქმედების კლუბი, იყო მისი პრეზიდენტი; 1974-1977წწ. თეატრ "მეტეხი"-ს დირექტორი; 1978-1980წწ. საკავშირო და საერთაშორისო ჯაზ-როკ ფესტივალის დამაარსებელი და ორგანიზატორი; 1989 წელს სსრკ-ში პირველი ჯაზ-ფესტივალის ორგანიზატორი (თბილისში, "Госконцерт"-თან ერთად); 1977-1982წწ. საქართველოს ფილარმონიის დირექტორი; 1977-1982წწ. ჯაზ-ფესტივალის ჟიურის წევრი (თბილისი, ვარშავა, ზამოშნი, პოლონეთი); 1982-1987წწ. თბილისის გრამფირფიტების ჩამწერი სტუდია "მელოდია"-ს დირექტორი; 1987-2006წწ. თბილისის კ. მარჯანიშვილის სახელობის დრამატული თეატრის გენერალური დირექტორი, პარალელურად მ. თუმანიშვილის სახელობის კინომსახიობთა თეატრის მთავარი კონსულტანტი, ამავე წლიდან მ. თუმანიშვილის სახელობის ხელოვნების საერთაშორისო ფესტივალის "საჩუქარი" იდეის ავტორი, დამაარსებელი, პროდიუსერი; თბილისის ჯაზ-ფესტივალის ორგანიზატორი, "ისტერნ-პრომოუშენის" მრჩეველი; 1997 წლიდან თბილისის მუნიციპალური სახელმწიფო ორკესტრის "ბიგ-ბენდი"-ს დამაარსებელი და მთავარი კონსულტანტი; 2006 წლიდან რადიო 104.3 "სინდიკატი"-ს მუსიკალური რეპერტუარის ავტორი. ვარშავის საერთაშორისო ფესტივალის "ჯაზ-ჯამბორეს" ვერცხლის მედალის მფლობელი (1980). მუსიკალურ ღონისძიებათა დამაარსებელი და ორგანიზატორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 237; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.309

• 2018 - თბილისის საპატიო მოქალაქე
• 2000 - ღირსების ორდენი
• საქართველოს ხელოვნების დამსახურებული მოღვაწე