ქეთევან ღამბაშიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1982 წელს.

1982-1983 წწ. მუშაობდა თბილისისი შინაგან საქმეთა სამინისტროს ჰოსპიტალში; 1983-1984 წწ. იყო ექიმი-ორდინატორი ბორჯომში; 1988 წლიდან მუშაობა დაიწყო თსსუ-ში; 2009 წლიდან არის თბილისის სახელმწიფო სამედიცინო უნივერსიტეტის პათოფიზიოლოგიის დეპარტამენტის ასოცირებული  პროფესორი; თსსუ-ის ცხოველებზე წარმოებული კვლევის ეთიკის კომიტეტის თავმჯდომარე; უმაღლესი საგანმანათლებლო პროგრამების აკრედიტაციის ექსპერტი; მუშაობს ექსპერიმენტულ ონკოლოგიაში. ქ. ღამშიძის სამეცნიერო პროექტები: ახალი ბაქტერიული პრეპარატის შექმნა სიმსივნეების იმუნოთერაპიისთვის; ბაქტერიული ფაგოლიზატების და მაგნიტური ნანონაწილაკების კომბინირებული გამოყენების გავლენა სიმსივნის მიკროგარემოზე და სიმსივნურ უჯრედებში ნანონაწილაკების განაწილების ხარისხზე; ერლიხის კარცინომის განვითარების პროცესში პროტეოლიზური ფერმენტების როლი და მათი  სინერგიზმის / ინჰიბირების მოქმედების მექანიზმების შესწავლა; ბიოლოგიურად აქტიური მიკრობული პრეპარატების IN-011, IN012 სიმსივნის საწინააღმდეგო თვისებების გამოკვლევა ექსპერიმენტში; Un ფაგის ფარმაკოლოგიური  თავისებურებების და თერაპიული ეფექტურობის შესწავლა E.coli-ით გამოწვეული ექსპერიმენტული სეფსისის მოდელზე; ავტორია 100-ზე მეტი სამეცნიერო ნაშრომის, რომლებიც გამოქვეყნებულია სამეცნიერო ჟურნალებში, მათ შორის: E. coli Phagelysate : A Primer to Enhance Nanoparticles and Drug Deliveries in Tumor. Cancers, (2023, 15(8), doi.org); მიზნობრივი თერაპიის გაუმჯობესება E. coli ფაგოლიზატით ვაქცინაციის გზით: სიმსივნის  მიკროგარემოს მოდულაცია და მაგნიტური ნანონაწილაკების მიწოდების გაძლიერება სიმსივნურ ქსოვილში. GBMN, v.1.(1)(2023, gbmn.org); სიმსივნის მკურნალობის კომბინირებული მიდგომა ფაგოლიზატისა და mNP ჰიპერთერმიის გამოყენებით. ევროპის ჰიპერთერმული ონკოლოგიის საზოგადოების 34-ე ყოველწლიური შეხვედრა - შვედეთი.- 2022  წელი; Antitumor and adjuvant effects of phagelysates of E. coli in mice with Ehrlich carcinoma. Exp Oncol. 2012, 34, 2, 1–5 (pubmed.ncbi.nlm.nih.gov); არის ხელმძღვანელი და კონსულტანტი 5 სადოქტორო პროგრამის, 10 საერთაშორისო და ეროვნული სამეცნიერო საგრანტო პროექტის, 5 საავტორი გამოგონების ავტორი. მედიცინის მეცნიერებათა დოქტორი.

საკანდიდატო დისერტაციის თემა - "ერითროციტების თვისობრივი ცვლილებები და მათი როლი ავთვისებიანი სიმსივნის ზრდის პროცესში განვითარებული ანემიისა და მიკროჰემოცირკულაციის დარღვევის პათოგენეზში", დაიცვა 1994 წელს; სადოქტორო დისერტაცია თემა - "ორგანიზმის რედოქს-სტატუსის და სისხლის რეოლოგიის ცვლილებების როლი პარანეოპლაზიური დარღვევების მექანიზმში და მათი პათოგენეზური კორექციის გზები", დაიცვა 2006 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.294; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.374; თბილისის სახელმწიფო სამედიცინო უნივერსიტეტი: tsmu.edu; ბიბლიოგრაფია: orcid.org

• European Society for Medical Oncology (ESMO)
• Georgian Association of Laboratory Animal Science GALAS = საქართველოს ლაბორატორიულ ცხოველთა მეცნიერებათა ასოციაცია, წევრი
• New York Academy of Sciences, წევრი
• საქართველოს პათოფიზიოლოგთა საზოგადოება, დამფუძნებელი
• საქრთველოს ალერგოლოგიისა და კლინიკური იმუნოლოგიის ასოციაცია, წევრი
• საქრთველოს ონკოლოგთა ასოციაცია, წევრი

• რა უნდა ვიცოდეთ ლაბორატორიაში მუშაობის და ექსპერიმენტულ ცხოველებზე წარმოებული კვლევების შესახებ : სახელმძღვ. (Author). - თბილისი, 2024
• ლაბორატორიაში მუშაობის და ექსპერიმენტულ ცხოველებზე წარმოებული კვლევის საკვანძო საკითხები : მეთოდ. რეკომენდაციები (Author). - თბილისი, 2021. - 136გვ.. - ISBN: 9789941831706
• ß-ადრენობლოკატორების ძირითადი თვისებები, მათი მნიშვნელობა კარდიოფარმაკოთერაპიაში და გამოყენების პერსპექტივები : მონოგრაფია (Co-Author). - თბილისი, მედეა, 2009. - 93გვ.