მარინა მდივანი

დაბადების ადგილი: ქ. თბილისი.

დაამთავრა პეტრე ჩაიკოვსკის სახელობის მოსკოვის სახელმწიფო კონსერვატორია 1960 წელს.

1966 წლიდან იყო მოსკოვის ფილარმონიის სოლისტი; მრავალი წლის განმავლობაში გამოდიოდა მსოფლიოს სხვადასხვა ქვეყნებში(აშშ, საფრანგეთი, კანადა, გერმანია, ჩეხოსლოვაკია, ფინეთი, თურქეთი, მაროკო, ჩილე, პერუ, მექსიკა,იამაიკა, უნგრეთი); მისი შესრულება გამოირჩევა დინამიზმით, ტექნიკური სრულყოფილებითა და არტისტიზმით; 1963 წლის 27 ნოემბერს შედგა მისი დებიუტი ქალაქ ნიუ–იორკში ცნობილი "კარნეგი ჰოლის" დარბაზში; მისი რეპერტუარი მოიცავს საზღვარგარეთის კლასიკური მუსიკის ნიმუშებს და ქართველ კომპოზიტორთა ნაწარმოებებს; 1986 წლის 26 იანვარს მოსკოვის კონსერვატორიის დიდ დარბაზში მან დაუკრა სერგეი პროკოფიევის ხუთივე საფორტეპიანო კონცერტი, ეს იყო დიდი მოვლენა მოსკოვის მუსიკალურ ცხოვრებაში; 1991 წლიდან ის მოღვაწეობს კანადაში ქ. მონრეალის "მაკ–გილის" უნივერსიტეტში პროფესორის თანამდებობაზე.

წყარო: მუსიკის ენციკლოპედიური ლექსიკონი. – თბ., 2007. – გვ. 167 

• 1976 - საქართველოს სახალხო არტისტი
• 1962 - პეტრე ჩაიკოვსკის სახელობის საერთაშორისო კონკურსი, IV პრემია, (მოსკოვი)
• 1961 - მ. ლონგისა და ჟ. ტიბოს სახელობის პიანისტთა საერთაშორისო კონკურსი, გრან-პრი, (პარიზი)
• 1958 - მსოფლიოს ახალგაზრდობის ფესტივალი, ვერცხლის მედალი, (მოსკოვი)
• 1957 - ახალგაზრდობის საკავშირო ფესტივალი, ოქროს მედალი