
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გოგა ხაინდრავა

Legal name:	გიორგი ხაინდრავა
Date of birth:	7 July, 1956 (68 years)
Category:	Public official, Politician, Filmmaker

Biography

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის გეოლოგიის ფაკულტეტი 1981 წელს; საქართველოს სახელმწიფო თეატრალური ინსტიტუტის კინოსაოპერატორო ფაკულტეტი 1986 წელს.

1988 წლიდან იყო თეატრალური ინსტიტუტის სახელოსნოს, 1991 წლიდან კი - შემოქმედებით სახელოსნო "TMS"-ის გენერალური დირექტორი; 1992 წლიდან თეატრისა და კინოს სახელმწიფო ინსტიტუტის დოკუმენტური კინოს სახელოსნოს ხელმძღვანელი; 1998 წლიდან რადიო "ფორტუნას" პროგრამების დირექტორი; 1991-1992 წლებში ჩაერთო პოლიტიკურ მოვლენებში; 1992-1993 წწ. იყო სახელმწიფო მინისტრი აფხაზეთის საკითხებში; 2004-2006 წწ. საქართველოს სახელმწიფო მინისტრი კონფლიქტების მოგვარების საკითხებში; განაგრძობდა პოლიტიკურ პარტიებთან თანამშრომლობას; 07.06.2008-20.06.2008 წწ. საქართველოს მე-7 მოწვევის პარლამენტის წევრი, საარჩევნო ბლოკი: "გაერთიანებული ოპოზიცია (ეროვნული საბჭო, მემარჯვენეები)", საარჩევნო ფორმა: პარტიული სიით; სხვადასხვა წლებში მუშაობდა დოკუმენტურ და მხატვრულ ფილმებზე: "საქართველოს სინამდვილე", "ქართული მართლმადიდებელი ეკლესია", "ავტოპორტრეტი", "ზარი", "სიკეთის ტელეფონი", "ნეილონის ნაძვის ხე", "რობინზონიადა ანუ ჩემი ინგლისელი ", "შავი თვალები", "ურგა", "ოცნებების სასაფლაო" და სხვა. მიღებული აქვს შავი ზღვის ქვეყნების საერთაშორისო კინოფესტივალის "ოქროს არწივის" გრანპრი და კინოკრიტიკოსთა პრემია ფილმისთვის - "ოცნებების სასაფლაო" (1997), სოჭის საერთაშორისო კინოფესტივალის "კინოტავრის" გრანპრი და ჟიურის პრიზი "ფიპრესი" ფილმისთვის - "ოცნებების სასაფლაო" (1997); სან-ფრანცისკოს ღვინის მწარმოებელი ქვეყნების საერთაშორისო კინოფესტივალის უმაღლესი ჯილდო "მსოფლიო კულტურები და ურთიერთგაგება" ფილმისთვის - "ოცნებების სასაფლაო" (1997), რუსეთის საერთაშორისო კინოფორუმის გრან-პრი და ჟიურის სპეციალური პრიზი, წლის საუკეთესო დოკუმენტური ფილმის პრიზი ფილმისთვის - "ქართული მართლმადიდებლური ეკლესია", კიევის საერთაშორისო კონოფესტივალის პრიზი საუკეთესო გამოსახულებისთვის ფილმისთვის "ავტოპორტრეტი".

წყარო: ვინ ვინაა საქართველოში: ქართული ბიოგრაფიული ცნობარი. – 1998-1999. - გვ. 406; ეროვნული ფილმოგრაფიის პორტალი: geocinema.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.402; საქართველოს პარლამენტის ვებგვერდი: parliament.ge

Member of Organizations

საქართველოს ეროვნული კონგრესის პრეზიდიუმი, წევრი
საქართველოს კინემატოგრაფისტთა შემოქმედებითი კავშირი, წევრი
საქართველოს მე-7 მოწვევის პარლამენტი, წევრი (2008-2008)
სახელმწიფო საბჭო, წევრი (1992-)