ედუარდ ნეგრებეცკი

დაიბადა თბილისში. ჩოგბურთელი. სსრკ ოცგზის ჩემპიონი ერთეულთა (1932, 47, 49, 50), წყვილთა (1934-40, 50-52) და შერეულ (1938-39, 47, 50-52) თანრიგებში. 20 წლის განმავლობაში შედიოდა სსრკ საუკეთესო ჩოგბურთელ კაცთა ათეულში: 1931 (5 ნომერი), 1932 (1), 1933 (3), 1934 (4), 1935 (2), 1936 (3), 1937 (3), 1938 (2), 1939 (2), 1940 (6), 1944 (4), 1945 (5), 1946 (3), 1947 (1), 1948 (3), 1949 (1), 1950 (1), 1951 (3), 1952 (4), 1953 (9). თბილისის ჩემპიონი ახალგაზრდებს შორის (1922-26), ამიერკავკასიის ჩემპიონი (1927), სსრკ ხალხთა სპარტაკიადის მეორე პრიზიორი ამიერკავკასიის გუნდის შემადგენლობაში (1928). 1931 წლიდან ცხოვრობდა ლენინგრადში და იყო ამ ქალაქის 29-გზის ჩემპიონი. სსრკ სპორტის დამსახურებული ოსტატი, II მსოფლიო ომის მონაწილე. 1954-60 წლებში იყო სსრკ ჩოგბურთელთა ნაკრების მთავარი მწვრთნელი. 1987 წლიდან ლენინგრადში (ახლ. სანქტ-პეტერბურგი) ტარდება მისი მემორიალური ტურნირი ნორჩ ჩოგბურთელთა შორის. გარდაიცვალა ლენინგრადში (ახლ. სანქტ-პეტერბურგი).

წყარო: ქართული სპორტის ოქროს წიგნი / ელგუჯა ბერიშვილი. - თბილისი:პალიტრა L, 2013. -  210 გვ.